Fraccion di MEP y RAIZ a manda carta pa minister cuestionando terminacion di contractonan di directornan di WEB

ORANJESTAD – Tanto partido MEP como RAIZ ta cuestiona e forma con e terminacion di contracto cu e dos directornan di WEB Aruba NV a tuma lugar recientemente. Di parti di MEP, sr Rocco Tjon a manda un carta di 11 pregunta pa e prome minister demisionario, riba e tema aki diabierna. Entre e preguntanan, kico a condici na e terminacion di e contractonan, y tambe e suma cu a paga pa e ‘golden handshake’. E carta di Tjon ta cuestiona tambe e caso di e ultimo blackout na Aruba cu tabata pa culpa di WEB. Den caso di partido RAIZ, nan tambe a manda un carta cu pregunta cu cierto pregunta tambe riba e tema aki. Di parti di MEP no ta haci mencion di kier pa e minister duna cuenta na Parlamento. Di parti di RAIZ ta specifica cu pa awor, un contestacion di e preguntanan pa awor ta suficiente. No ta sigur si esaki por desemboca den un reunion solicita pa e mandatario en cuestion duna cuenta na Parlamento pa medio di un reunion publico. Esaki ta e carta di MEP, y esaki ta esun di RAIZ.