Sr Sevinger na premier Wever: “No drumi cu bo wowo cera, pasobra nan lo bati na bo porta!”

ORANJESTAD – “ No drumi cu bo wowo cera, pasobra nan lo bati na bo porta” tabata e mensahe cu Parlamentario Benny Sevinger a laga pa prome minister Evelyn Wever Croes, despues cu sr Sevinger a huramenta cerca Gobernador di Aruba diabierna merdia laat. Cu e mensahe aki, sr Sevinger kier men cu e ta wak ministerio publico bati na porta di e prome minister demisionario, pa cosnan cu lo a sosode cu no ta corecto, y cu supuestamente e prome mandatario lo ta envolvi aden. Rondona pa su famia y sostenedornan despues cu el a huramenta na Cas Ceremonial di Gobernador, e parlamentario a haci un declaracion, repasando grandemente e loke segun e, a sosode ultimo lunanan pa cu e.o. su detencion y e caso cu tin contra dje. Ademas el a bisa cu awe un etapa nobo ta cuminsa den su bida, den e caminda cu Dios a pone pa e cana. “Nos lo no dobla, nos lo sigui lucha” e Parlamentario a sigui bisa. El a priminti cu e lo papia tur cos cu a sosode y cu ta sosodiendo, tanto durante y prome cu su detencion. Prome cu esey e tin cu check cu su abogadonan con hopi e por conta y con leu e lo bay. “Mi no lo wanta nada secreto pa e comunidad aki” sr Sevinger a sigui bisa. :”E husticia cu nos ta kere aden, no ta e berdadero husticia cu wowo cera y doesn’t, matter, husticia ta conta pa tur hende. Esey sinembargo no ta e realidad” Sevinger a sigui bisa. “Si ministerio publico tin un tiki di credibilidad ainda Y na final el a cere cu e frase cu cual e articulo aki ta habri, esta “ “Si ministerio publico tin un tiki di credibilidad ainda, sra Evelyn, no drumi cu bo wowo cera, pasobra nan lo bati na bo porta”, sr Sevinger a bisa. NOTA: E potret ta screenshot di conferencia di Benny Sevinger, cortesia Telearuba.