Aruba a bula pasa 700 caso activo total y registra 134 caso nobo awe di Covid19

ORANJESTAD – Aruba awe diabierna a bula 700 caso activo pasa y yega te 754 caso, ora cu a registra no menos cu 134 caso positivo nobo, di cual 127 ta residente. Tambe segun e resumen di awe 55 persona a recupera. E cifranan aki ta representa un 'Positivity rate' bou di nos residentenan di 32%. Cantidad di casonan activo di COVID-19 pa awe ta 754 y cantidad di fayecidonan relaciona cu COVID-19 ta 111. Datos ta ilustra subida continuo di casonan nobo cu un average semanal di 87 caso pa dia y un average di 'positivity rate' semanal di 30% pa dia cu ta sigui subi.

HOSPITAL

Hospital tin 23 persona interna di cual 6 ta den ICU y 17 riba piso general. Datos di hospital ta ilustra cu di esnan ingresa den hospital cu COVID,  20 persona no tin ningun vacuna y solamente 3 persona ta vacuna, esnan interna den ICU ningun tin vacuna.