Wever: Cu 518 accident di trafico den un luna, nos problema no ta Covid so

ORANJESTAD – “Nos problema no ta Covid so!” tabata con prome minister Evelyn Wever Croes a describi e situacion na Aruba di ultimo dos siman. E ta referi na e cantidad alarmante di accidente cu a sosode den apenas un luna di tempo. Pa esaki a repasa e cifranan di luna di juli cu alto comisario di polis Vanessa Tjon Kock a repasa un rato prome.  Un total di 518 accidente reparti riba 4 siman.

HOPI ACCIDENTE

Cu e cantidad di 518 accident den un luna, ta alarmante. A papia di 129 accidente pa siman, di cual a resulta den 93 herido y 3 morto y 18 accident pa dia. Algo cu segun e mandatario, ta un problema serio. Como tal e ta mustra cu Covid no ta e unico problema cu nos tin sino e tantismo accident cu ta sosodiendo na Aruba ultimo tempo. A pidi pa bay mas trankil riba caminda pa evita pa e cantidad di accidente cu tin, no ripiti. NOTA: Potret ta di un di e accidentenan fatal cu a sosode, y ta usa como ilustracion pa e articulo aki solamente.