Den tres dia casonan hospitalisa pa Covid19 a redobla atrobe!

ORANJESTAD – Den tres dia , cantidad di casonan di Covid19 na Hospital a redobla y mayoria di nan no ta vacuna. Si diadomingo ainda esaki tabata 10 persona, di cual 3 tabata den ICU y 7 riba piso regular, awe diaranson tin 19 hende hospitalisa di cual 5 ta den ICU y 14 riba piso. Pero e grupo mas grandi a drenta dialuna ora cu e cantidad a bay di 10 pa 17 den un solo tiro. E grupo mas grandi e ora a bay pa piso, y uno mas pa ICU. Actualmente pues tin 19 persona interna di cual 5 ta den ICU y 14 riba piso general. Datos di hospital ta ilustra cu di esnan ingresa den hospital cu COVID, tin 17 persona cu no tin ningun vacuna y solamente 2 persona tin 2 vacuna, esnan interna den ICU ningun tin vacuna.