Benny Sevinger ta huramenta diabierna como Parlamentario atrobe

ORANJESTAD – Benny Sevinger lo huramenta diabierna awor dilanti Gobernador di Aruba, su excelencia Alfonso Boekhoudt. Diaranson mainta, un dia cu a lague den libertad condicional di KIA, el a ricibi su carta di gabinete di Gobernador. Aki ta informe cu pa diabierna awor 1’or y mei, e lo keda huramenta. Hunto cu ne, por trece 2 persona mas di famia debi na reglanan di Covid19. Cu esaki, Sevinger por cuminsa traha como parlamentario, despues cu dia 25 di juni ultimo el a keda eligi cu voto preferencial. Diamars atardi el a recobra su libertad temporal como sospechoso di e caso penal Avestruz. Cu esaki, a kita e ‘estorbo’ pa huramenta su persona den su funcion como Parlamentario. Cu esaki, Parlamento lo ta completo cu su 21 miembronan. 

Ora cu a huramenta parlamentarionan recientemente, e no a haya invitacion di gobernador, pa motibo cu e tabata encarcela na KIA ainda. Na e ocasion ey, a informe cu ora cu e sali di KIA, e por wordo huramenta. Y esaki awor ta tuma lugar 3 dia despues di su libertad. NOTA: Potret cortesia di Telearuba ta un screenshot na momento di salida di Benny Sevinger for di KIA diamars.