Utilities: Ta directornan mes di WEB a pidi pa yega na terminacion di nan contracto

ORANJESTAD – Ta directornan mes di WEB a pidi pa yega na terminacion di nan contracto. Asina e director di Utilities, Richard Eman a clarifica dialuna den un comunicado. “Ta abogadonan di Randolph Ruiz i Luis Oduber a acerca nos legal team pa por yega na un terminacion. Pues nan ta tuma nan retiro y paga nan pa nan bai”. 

NDA

Pa loke ta e acuerdo-, Eman a confirma tambe cu ta abogadonan di Ruiz i Oduber a pidi pa un non-disclosure agreement, esta un NDA. Pues akinan ningun partido mag duna informacion riba e arreglo di terminacion. 

UN DIRECTOR SO

Manera a keda informa tambe, sr. Serapio ‘Latie’ Wever a wordo apunta pa temporalmente pa asumi e maneho na WEB. Esaki te ora cu tin director. Utilities Aruba N.V. ta esun cu ta tene un open solicitatie procedure y ta firma un contract cu e director nobo. Esaki ta determina den statuut. E procedura lo cuminsa pronto. Manera cu nos tin operation di web bon regla. Ta bin acerca cu lo tin solamente1 directeur. Pues no lo tin un director financiero mas. “Algo cu nunca no a funciona den WEB” sr Eman ta finalisa bisando.