Atleta yiu di Corsou ta clasifica pa Hulanda den olimpiada na Tokyo

TOYKYO – E atleta yiu di Corsou Liemarvin Bonevacia a clasifica na e Weganan Olimpico na Toyko pa e final di 400m careda. E ta representando Hulanda, y tin e record actual Hulandes pa e 400meter di careda. Mientras cu e ta representa Hulanda (Corsou no por participa como pais na e weganan), ningun caminda den e raportahenan ta indica cu e ta naci na Corsou. E la pone un record riba su nomber aworaki di 44.62seconde, cu e mes a considera un soño realisa. 

CARERA

Bonevacia di 32 aña a participa na olimpiada di 2012 como un atleta independiente y a keda elimina den semifinal. Na 2016 el a bolbe participa, pero e biaha aki representando Hulanda. Aki tambe el a yega semifinal. Den campeonatonan Europeo den 2016 y 2017 el a logra medaya di brons pa e mesun disciplina.