Vd Linden: Studiantenan evita aglomeracion di hende prome cu biaha pa Hulanda

DEN HAAG/ORANJESTAD - Segun vd Linden, ta suplica tur studiante pa evita aglomeracion di hende, sigur fiesta di despedida cu hopi hende, debi cu e chens ta grandi cu por keda contagia cu Covid19. Y ora cu yega Hulanda y test positivo, e persona ta keda su so den isolacion, cu sigur no ta un experiencia agradabel e prome biaha na Hulanda. E problema ta cu te cu dia 8 di augustus, no ta obligatorio pa un persona cu biaha pa Hulanda, test prome cu e biaha. Esey ta nifica cu tin hende cu por subi avion y yega Hulanda infecta cu e virus, cu tur su consecuencianan. Aña pasa ta corda cu un grupo relativamente grandi di studiante a yega Hulanda infecta, cu a pone cu mester a isola nan prome dos simanan, cu a haci e reto pa e mentornan y otro hendenan mucho mas grandi.