Tur biahero for di Merca despues di 1 di augustus tin cu test atrobe pa Covid19

ORANJESTAD – Tur biahero for di Merca, incluyendo residentenan di Aruba, entrante 1 di augustus, tin cu test pa Covid19, no obstante e hecho cu ta completamente vacuna. Esaki ta pasobra Aruba entrante 1 di augustus lo categorisa Merca como pais di riesgo halto.  Esaki tabata un di e medidanan anuncia diahuebs atardi durante un conferencia di prensa. E otro medida pero positivo ta cu e seguro cu ta mandatario pa tur bishitante, ta conoce reduccion den tarifa. Entrante 1 di augustus tur biahe pa Aruba, e tarifa pa adulto lo ta di 15 dollar pa persona. Pa mucha bou di 12 anja, e seguro ta bira gratis.