Orange Crush!

SALVADOR/ ORANJESTAD - E ekipo di futbol Hulandes a golea e actual campeon mundial Spanja cu un score aplastante di 5-1. Un wega cu tabata poni pa Spanja gana facilmente, y cu tabatin Hulanda poni como e 'underdog'. Despues cu Hulanda a habri e score, a sigui un penalty cu hopi a bolbe cuestiona di e arbitro italiano Nicola Rizzoli na comienso di e wega, no a stroba e ekipo hulandes di mantene nan compostura y un tras di otro e goalnan a cuminsa bin. Despues di e descanso, e fiesta di goal mes a cuminsa. Y finalmente e score ta keda 5-1. Cu e resultado aki, Hulanda comodamente ta tuma liderazgo di e grupo B, y por causa hopi dolor di cabes pa Spanja, basa riba e cantidad di goal cu tin den nan contra awo. E proximo wega di Hulanda ta diaranson awor pa 12'or.