Landador di Aruba Mikel Schreuders a mehora su tempo awe mainta na Tokyo

Posted on 07/27/2021 11:20 am AST | Updated on 07/27/2021 11:23 am AST

TOKYO – Mientras cu su tempo no tabata suficiente pa avansa, e landador di Aruba Mikel Schreuders a landa e disciplina di 100 meter freestyle y a mehora su tempo. Awe trempan ora di Aruba, Schreuders a drenta pool den di 5 heat y ta logra termina cu un tempo di 49.31. Mester menciona cu e tempo aki Mikel ta mehora su tempo di CCCAN (50.37) y como tambe Campeonato Arubano (51.85). Tambe presente na Tokyo Aquatic Centre tabata e delegacion completo di Arubap’asina apoya e atleta Schreuders. Diabierna awor e siguiente atleta Allyson Ponson lo ta mirando accion. Informacion y potret cortesia Comitee Olimpico Arubano (COA) 

  • E coredor di auto Max Verstappen ta haya multa pa crash na Grand Prix di Italia

    E coredor di auto Max Verstappen ta haya multa pa crash na Grand Prix di Italia

    MONZA – E coredo professional Hulandes di auto di careda Max Verstappen a wordo culpa oficialmente di e accidente den e Grand Prix di Italia diadomingo na Monza. Cu esaki, e ta haya un castigo cu ta nifica cu na e proximo Gran Prix na Russia aki dos luna, e mester cuminsa tres posicion mas patras. E careda tabata mitar caminda ora cu diripiente Verstappen y su contrincante principal Hamilton a dal den auto den un birada. Den un rato di ora, e auto di Verstappen tabata riba esun di Hamilton. Verstappen ta desmenti cu ta su falta. Un siman prome, e Hulandes a gana e Grand Prix na cas na Hulanda.

  • Turkia a retira su entrenador despues di a perde contra Hulanda

    Turkia a retira su entrenador despues di a perde contra Hulanda

    ANKARA – E entrenador di e seleccion nacional di futbol di Turkia Senol Günes a haya su retiro den menos cu un siman cu su ekipo a perde e wega clasificatorio contra Hulanda diamars ultimo. E version oficial ta cu e entrenador y e directiva a yega na un acuerdo mutuo pa termina e relacion di trabou. Diamars Turkia a perde cu e score di 6-1 contra Hulanda. Ora cu e wega a caba, comentaristanan tabata comenta caba cu mirando e resultado aki, e dianan di e entrenador tabata conta. Na Maart ainda nan a gana 4-2 di Hulanda, pero durante e Copa Europeo recien den zomer, e ekipo a perde 3 baiha cu un saldo di gol di 1 pro y 8 contra. Günes tabata na cabez di e ekipo desde juni 2019. 

  • Hulanda ta gana di Turkia 6-1 y ta lidera su grupo di cualificacion pa Qatar

    Hulanda ta gana di Turkia 6-1 y ta lidera su grupo di cualificacion pa Qatar

    AMSTERDAM – Riba un forma hopi convincente, Hulanda diamars a hunga su miho wega contra Turkia den wega clasificatorio pa Qatar 2022. Un wega cu tin hopi fanaticada tanto na Aruba como na Corsou y cu ta pone cu hopi ta wak e weganan aki.  Cu un victoria di 6-1, e ta sigura e liderazgo den su grupo G. Aworaki Hulanda tin e control pa dicidi si nan ta cualifica finalmente pa e Copa Mundial di otro anja. Esaki tabata e di 3 wega pa e coach ‘nobo’ Louis van Gaal cu apenas algun siman pasa a bolbe como e director tecnico di e seleccion. Den su prome salida, Hulanda a hunga pareu cu Noruega cu score di 1-1, sigui pa un victoria contra Montenegro y finalmente awe un victoria aplastante contra Turkia. E siguiente wega ta dia 8 di october contra Letonia y 11 di october contra Gibraltar.

  • Atletanan a rema exitosamente riba kayak di Corsou pa Aruba!

    Atletanan a rema exitosamente riba kayak di Corsou pa Aruba!

    SAVANETA – E grupo di atleta di kayak cu a rema di Corsou pa Aruba diasabra marduga esta Anthony Guillermo, Nine Ekert, Angelo Kock, Luis Wever y Ryan de Jongh a logra nan hazaña yegando Aruba diasabra anochi den careda di 9’or. Nan a cumpli e recorido di 90 km cu e meta pa crea concientisacion pa naturalesa y a titula e hazanja aki como KAYAK FOR NATURE. Potret cortesia 297 Sports. Video cortesia Andy Thijsen/Otis Elevators. 

  • Elliott Loonstra a bay basta bon na Weganan Paralimpico na Japon

    Elliott Loonstra a bay basta bon na Weganan Paralimpico na Japon

    TOKYO – E unico atleta paralimipico di Aruba cu a participa na e Weganan Paralimpico na Tokyo, Japon, a mira accion diasabra mainta ora di Tokyo. “Elliott a bay basta bon” su chef de mission Shardea Arias a bisa noticiacla diasabra. “E prome competencia el a poerde 32-23 contra Marueco. Y den su di do competencia e mester a bringa contra Costa Rica unda cu e la perde 16-3. Costa Rica a sigui pa bringa pa brons, pero no a gana esaki. 

  • Articulo di BBC a enfoca riba Aruba y su team Paralimpico na Tokyo!

    Articulo di BBC a enfoca riba Aruba y su team Paralimpico na Tokyo!

    TOKYO – E portal di e organisacion noticioso mas grandi y importante di Gran Britania, Britisch Broadcasting Corporation (BBC) a duna Aruba un cobertura internacional gigantesco, publicando e storia di Aruba su team paralimpico den un articulo di 3000 palabra, completo cu varios potret di e ekipo. E enfoke di e escritor Beth Rose tabata pa enfoca riba e chef di mission di Aruba Shardea Arias De La Cruz-Croes, y e exito di atletanan paralimpico cu e isla a y ta produciendo. E articulo ta bin un dia prome cu Aruba su atleta paralimpico Elliott Loonstra ta prepara pa mira su prome accion diasabra mainta (ora di Tokyo). Segun Shardea, ta BBC a acerca su persona, el a bisa noticiacla diabierna mainta. 

  • Powered by SETAR