Na Corsou, candela feroz a destrui cas den Penstraat

WILLEMSTAD - Otro famia mas ta den tristesa. Un kandela feros a destruí un kas den Penstraat, por kompletu. Alrededor di bintisinku pa un di mèrdia, Sentral di Polis a risibí informashon ku un kas di dos (2) piso tabata na kandela den e kaya ariba menshoná. Ta trata aki di un edifisio habitá ya pa hopi aña pa un famia.

E kandela hopi grandi, tabata produsí hopi huma, ku a kousa molèster pa tur esnan ku ta biba òf laborá den e área aki. Mesora a dirigí un unidat polisial i unidatnan di brantwer di Mundu Nobo, Steenrijk i tambe Rio Canario na e sitio. Na yegada di e unidat, nan a topa en bèrdat ku e kas di dos piso na kandela. E diferente unidatnan di brantwer ku a presentá na e sitio a paga e kandela kual a tuma vários ora. Te den oranan di anochi, ainda tabatin bomberonan na e sitio.

No tabatin daño personal. Kousa di e kandela aki ta den investigashon. Nota: texto ta skibi den Papiamento fonetico di Corsou.