BCA: Cantidad di placa den circulacion a crece na Aruba

BCA: Cantidad di placa den circulacion a crece na Aruba

Posted on 07/27/2021 9:31 am AST | Updated on 07/27/2021 9:32 am AST

ORANJESTAD - Compara cu april 2021, e cantidad di placa den circulacion a crece cu Afl. 46,8 miyon te na Afl. 4.984,5 miyon den e luna di mei 2021. Esaki a resulta for di un subida den e reserva di divisa netto (+Afl. 51,2 miyon) y un caida den reserva activo domestico netto (-Afl. 4,4 miyon). Asina Banco Central di Aruba (BCA) ta raporta. 

Na mei 2021, e reserva di divisa netto a expande, esaki a wordo causa pa compra netto di divisa di Afl 226,3 miyon di publico, principalmente relaciona cu entrada for di turismo y cu transferencia netto di cuentanan den exterior di companianan local. Esaki a wordo pa un gran parti mitiga pa benta netto di divisa di Afl. 175,0 miyon na publico, primordialmente relaciona cu pago pa importacion y otro servicionan. E caida den e activo domestico netto a wordo causa pa un bahada den credito domestico (-Afl. 5,9 miyon), mientras cu transaccionnan no relata na credito a experiencia un subida (+Afl. 1,5 miyon). E caida den credito domestico a resulta for di un bahada den credito bancario na e sector priva (-Afl. 8,9 miyon) y un subida den credito bancario netto na e sector publico (-Afl. 3,0 miyon). E bahada den credito bancario na e sector priva a wordo causa pa menos credito na empresa (-Afl. 5,8 miyon), credito na consumidor (-Afl. 3,0 miyon), y hipoteca pa vivienda (-Afl. 0.2). E subida den credito bancario netto na e sector publico ta wordo atribui na menos deposito di gobierno (-Afl. 23,0 miyon) y credito bruto na gobierno (-Afl. 19,9 miyon).

INFLACION

E nivel general di prijs, cu ta wordo midi door di e indice di prijs di consumo, a registra un bahada di 0,2 porciento den e luna di mei 2021, compara cu 0.4 den april 2021. E contribuyentenan principal na e caida aki tabata e categorianan “mobilario” y “recreacion y cultura”. Pa loke ta trata e promedio anual di e tasa di inflacion, esaki a registra -2,2 porciento na mei 2021, compara cu -2,3 porciento na april 2021. 

 

ENTRADA DI GOBIERNO

Entrada total di gobierno a suma Afl. 98,8 miyon na mei 2021, cual ta Afl. 30,4 miyon menos cu e mesun luna di e aña anterior. Esaki a resulta for di un aumento den entrada di impuesto (+Afl. 31,8 miyon), y un bahada den entrada no relata na impuesto (-Afl. 1,4 miyon) . E contribuyentenan principal na e expansion den entrada di impuesto ta subidanan den impuesto riba importacion (+Afl. 8,0 miyon), e asina yama “turnover tax” (B.B.O./B.A.V.P.) (+Afl. 6,7 miyon), impuesto riba gasolin (+Afl. 2,8 miyon), impuesto riba ganashi (+Afl. 2,4 miyon) y impuesto riba alcohol (+Afl. 2,2 miyon). E bahada den entrada no relata na impuesto a wordo causa pa un bahada den otro entrada no relata na impuesto di Afl. 1,4 miyon.

TURISMO

Aruba no a ricibi turista na mei 2020, pa es motibo e cifranan pa turismo di mei 2021 a wordo compara cu e 

cantidad di turista cu a bishita nos isla na mei 2019. Na mei 2021, e cantidad di turista a registra 70.683 turista, cual ta 17.860 menos bishitante (-20,2 porciento) compara cu na mei 2019. E mercado Latino Americano, Norte Americano y Europeo a baha cu 6.968 bishitante (-79,7 porciento), 6.801 bishitante (-9,7 porciento), y 4.248 bishitante (-58,2 porciento), respectivamente. E bahadanan a wordo causa door di menos bishante for di tur pais den cada mercado.

 

 

 

 

  • Premio di 1 miyon florin di Lotto 5 a keda aden y ta bira 1.1 miyon diaranson awor

    Premio di 1 miyon florin di Lotto 5 a keda aden y ta bira 1.1 miyon diaranson awor

    ORANJESTAD – E premio grandi miyonario di Lotto 5 (AFL 1.000.000,=) a keda aden diasabra anochi y awor ta bira AFL. 1.100.000,= diaranson awor. E cifranan Ganador tabata 01-12-21-27-29, mientras cu e Joker tabata 11 y e letter tabata I. Ningun hende a gana e prome of di dos premio, mientras cu 37 a gana match 4 970 a gana 12 florin. 

  • BCA a cuminsa restringi su maneho monetario pa mantene reservanan internacional na un nivel adecua

    BCA a cuminsa restringi su maneho monetario pa mantene reservanan internacional na un nivel adecua

    ORANJESTAD - Banco Central di Aruba (BCA) ta dispone di diferente instrumento pa ehecuta maneho monetario na un forma efectivo (Figura 1). Un di e instrumentonan di mas importante ta e asina yama “reserve requirement” (reserva obligatorio), cu ta usa pa sea inyecta den of saca likides for di e sector bancario door di subi of baha depositonan obligatorio di e banconan comercial cu nan tin cu tene na BCA. Aña pasa na maart 2020, y pa reduci e efecto di e impacto financiero y economico relaciona cu e medidanan tuma pa gobierno di Aruba pa asina mitiga e contagio di COVID-19, BCA, entre orto, a baha e tasa di reserva obligatorio cu 1 punto di porciento di 12 porciento pa 11 porciento. Na april 2020, atrobe a reduci e tasa di reserva obligatorio cu 4 punto di porciento te na 7 porciento. Cu e bahada aki, banconan comercial di biaha por a dispone di un total di Afl. 200 miyon adicional na likides pa asina cumpli cu nan obligacionan financiero, incluyendo un posibel crecemento den demanda di credito (mira Anuncio Publico di BCA, maart 17, 2020 y april 7, 2020).

  • CBA ta alerta cu no por bende Banco di Caribe Aruba NV sin nan aprobacion

    CBA ta alerta cu no por bende Banco di Caribe Aruba NV sin nan aprobacion

    ORANJESTAD – Banco Central di Aruba tin cu duna aprobacion pa benta di Banco di Caribe Aruba NV wordo bendi. Asina e instituto financiero a bisa diahuebs, reaccionando riba e anuncio di Banco Central di Corsou y St Maarten. Cu esaki ta mustra cu no ta ‘asina asina’ e banco na Aruba, por wordo bendi. Mientras cu BCA ta bisa di a tuma nota di e comunicado, e ta bisa tambe cu ‘ta bon pa informa cu conforme cierto articulo (art 17 lid 1), ta prohibi pa un persona fisico of huridico adkiri un participacion cualifica den un entidad di credito sin e consentimento previo di CBA’. No ta conoci kico lo ta e siguiente paso aworaki. Click AKI pa lesa e comunicado completo di Banco Central di Aruba (CBA) riba e tema.  

  • CMB a habri su Smart Branch na San Nicolas awe mainta

    CMB a habri su Smart Branch na San Nicolas awe mainta

    SAN NICOLAS – Awe mainta Caribbean Mercantile Bank a habri nan asina yama ‘Smart Branch’ na San Nicolas, cu cortamento di cinta ceremonial y reconocemento na un fundacion y un señora cu ta cliente fiel pa hopi aña. Gerente General Paul deWolfe a splica cu for di momento di e pandemia, e banco a haci tur cos pa ta mas cerca di nan clientenan, y pa hunto pasa door di e temponan turbulento di e pandemia. Segun deWolfe, e clientenan di CMB a mustra bes tras bes di ta resiliente, generoso y amabel. “Nos ta asina contento di ta un parti chikito di nan bida, y nan famia” sr deWolfe a sigui bisa. “E apertura di e branch aki ta un di e oportunidadnan raro cu ta duna nos e oportunidad pa bisa danki, y pa duna bek na e comunidad cu ta traha duro manera San Nicolas”. “Esaki ta mas cu un apertura grandi, e ta un renacemento, y ta mustra cu como un pais, nos ta sigui padilanti hunto y cu cos lo y ta birando miho” deWolfe a sigui bisa. 

  • Lo bende Banco di Caribe cu United Group Holdings NV

    Lo bende Banco di Caribe cu United Group Holdings NV

    ORANJESTAD / WILLEMSTAD –   Banco di Caribe N.V. (‘Banco di Caribe’) lo ser bendi cu United Group Holdings B.V. (‘United’).  United Group Holdings BV ta di e conocido comerciante Gregory Elias, cu ta managing director hunto cu Richard Sietse Mijnheer. E benta lo inclui tur actividad bancario di Banco di Caribe na Corsou, Aruba, Boneiru i Sint Maarten, como tambe e actividadnan di seguro i inversion di Van der Lubbe Assurantiën N.V., Bancarib Real Insurance Curaçao N.V. i BdC Investments B.V. Asina Banco Central di Corsou y St Maarten a informa diahuebs mainta pa medio di un comunicado. E acuerdo di benta a keda firma dia 11 di september 2021 pa e bendedo, cu ta Ennia Caribe Holding N.V. (‘ECH’), representa pa Centrale Bank van Curaçao en Sint Maarten (‘CBCS’) i di otro banda pa e cumprado, United. ECH ta e empresa matris di grupo Ennia. United ta un empresa di servisio financiero reconoci, activo entre otro na Corsou i na seis diferente pais Europeo, incluso na centronan financiero manera Amsterdam, Londres i Luxemburg. Lesa e comunicado completo AKI. Potret cortesia di Foursquare. 

  • Aeropuerto a celebra 15 aña di JetBlue bulando pa Aruba

    Aeropuerto a celebra 15 aña di JetBlue bulando pa Aruba

    ORANJESTAD -  Riba diaranson, 15 di September, 2021, e ekiponan di AUA Airport y JetBlue Airways a celebra cu bolo y snacks, e di 15 "Blueversary" (aniversario) di JetBlue operando na Aruba. 

  • Powered by SETAR