Soño di landador Alejandro Timp (dfm) a keda cumpli na Tokyo

TOKYO - Atletanan Allyson Ponson Mikel Schreuders y coach Ismael Santiestaban a haci e soño di Alejandro Timp awe den felis memoria bira un realidad na Tokyo, Japon.

Algun aña atras ora cu e hoben landado, Alejandro Timp(dfm) tabata batayando su malesa cancer, su persona tempo ey a acerca 'Make A Wish Foundation' y a pidi nan cu su soño tabata pa participa na e Weganan Olimpico. E fundacion aproba pa Alejandro hunto cu cu su kerida mama, sra. Alva Torres bishita e Weganan Olimpico di Tokio 2020. Lamentablemente den luna di december 2019, e ex-seleccionado di landamento di Aruba, Alejandro Timp a perde bataya contra cancer. 

Dialuna na e Pisina Olimpico na Tokyo, Japon coach Ismael Santiesteban, landadonan Olimpico, Allyson Ponson y Mikel Schreuders a rindi homenahe na Alejandro y hasi asina su soño bira un realidad. Cu bunita palabranan di coach Ismael a saca un bunita foto cu e shirt di Alejandro bisti dilanti e emblema di Tokyo 2020 na e pool Olimpico. Un super bunita momento pa recorda un hoben stima pa hopi cu a conoce di serca. 

Un danki na coach Ismael y landadonan Allyson y Mikel cu apesar di tur e schedule ocupa a tuma un momento pa e gesto unico aki. Nos tin sigur cu unda Alejandro ta na e momentonan aki e lo ta felis. Amen!!!

Texto: Seever Krozendijk. Potret: COA