Aruba su uniform Olimpico a haya reconocemento internacional!

TOKYO – E uniform Deportivo di e delegacion di Aruba durante e apertura di e Weganan Olimpico 2020 na Tokyo a hala atencion internacional, y particularmente den dos publicacion grandi cu ta People’ s Magazine y Yahoo.com.  Ambos a comparti e mesun informacion y texto y potret, pero tin dos diferente mercado. Segun e descripcion di e articulo, e delegacion di Aruba ‘ a trece colornan briyante na e ceremonia di apertura, cu e colornan berde y blauw berde den nan conhunto completo cu sombre’. 

E ARTICULO 

E articulo tabata describe e 27 ekiponan (di e total di 205 cu ta participa na e olimpiada e aña aki) cu mas a resalta cu e trahenan cu tin ‘mas style’, cu a resalta di e apertura. Tambe ta haci mencion cu ta trata di e miho trahenan possible. Y den esaki Aruba a figura den e prome 10 nan di e 27, na number 7. Sigur un logro grandi pa e diseñador local Magaly Maduro. E material, manera cu Nicole Hoevertsz mes a splica noticiacla e siman aki, ta traha di material recicla, boternan saca for di laman. Un forma inovativo cu e compania Totto a logra produci. Esey tambe a keda menciona pa tur canal internacional cu a transmiti e apertura diabierna anochi ora di Tokyo. Wak e articulonan original AKI pa People Magazine y AKI pa yahoo.com.