Ekipo di baseball professional Mericano Cleveland Indians a cambia awor pa Cleveland Guardians

CLEVELAND – Despues di mas di 100 aña a carga e nomber di Indians (Indjan), e ekipo di baseball grandes ligas di Cleveland, ta cambia pa e nomber ‘Guardians’ (Guardian). E club a anuncia e nomber diabierna cu un video nara pa e actor Tom Hanks. Esaki ta caba lunas di discussion interno cu a cuminsa door di critica di institucionan nacional pa cambia e logo y nomber considera como racista.  E organisacion a pasa casi un aña buscando nomber y a traha un lista di casi 1200 nomber un luna pasa ainda. Pero e proceso rapidamente a acelera y a club a yega na e nomber di Guardians. Segun e doño di ekipo Paul Dolan, e disturbio di aña pasa pa morto di e ciudadano George Floyd na Minneapolis, a conduci na su intencion pa cambia e nomber di e ekipo. Tabata na 2018 caba cu e team a stop di usa e logo di e hefe indjan di Wahoo riba petchi y nan camisa. Asina mes e ekipo a sigui bende mercancia cu e cara di e indjan, cu pa hopi decada a keda protesta pa gruponan nativo Americano.