Ripiticion di programa Noticiacla LIVE cu Nicole Hoevertsz awe nochi

ORANJESTAD/TOKYO – Manera ta conoci, diaranson Comite Olimpico internacional durante su reunion na Tokyo a eligi Nicole Hoevertsz di Aruba como un di su vice presidentenan pa e proximo 4 aña. Un logro inmenso pa nos isla, cu ta pone nos isla den un lus aun mas grandi riba tereno di deporte. Den cuadro di esaki, Noticiacla LIVE a tene un combersacion cu ne unda cu sra Hoevertsz ta conta di su logro, kico e kier men pa Aruba, y tambe con ta para cu nos atletanan cu ta cla pa participa den e olimpiada cu ta cuminsa diabierna awor. E entrevista  extenso cu periodista Tito Laclé a tene cu ne ta ripiti awe diahuebs anochi pa 9’or.