Gabinete Wever-Croes II lo tin 7 of 8 minister, pero no 9

ORANJESTAD – Mientras cu no a dicidi e cantidad di minister pa e gabinete Wever Croes 2, e formador Wever Croes a bisa si cu e no ta bira 9, mirando e situacion actual. E decision mester cay si ta bira sea 7 of 8 minister. E reparticion di cartera no ta cla ainda y esey mester keda determina ainda. Asina e formador a bisa awe mainta durante un conferencia di prensa. Pa ley, gobierno por tin maximo 9 minister, y no tin ningun acuerdo of palabracion haci cu Hulanda, cuanto minister mester. Esaki pasobra ta un asunto netamente local, y tampoco no a palabra of hinca esaki den e landspakket. Pues Aruba no tin cu tene cuenta cu e parti ey.

DISCORDIA

E formador, bistiendo petchi politico di lider despues a bisa cu contrario na speculacion den cierto medionan, no tin ningun discordia entre miembronan di partido MEP, esnan cu ta riba lista y cu posiblemente lo mester ta na turno pa haya un posicion di minister. Esey no tey segun Wever Croes. Tampoco no tin ningun protocol interno cu ta stipula kico ta pasa pa esnan cu lo por bin na remarke of no. 

DEADLINE

E formador a confirma pa e portal aki cu Gobernador a pone un 'deadline' pa dia 8 di augustus proximo pa tin algo cla, pero e proceso di screening lo por pone esaki 'loop uit'. Asina mes e formador a bisa Noticiacla awe diahuebs mainta. E intencion ta pa cuminsa cu e proceso di screening prome, pa asina toch por keda cla cu tur cos dia 8 di augustus y presenta e relato final riba e fecha ey. Despues Gobernador lo por stipula e fecha pa huramenta e Gabinete Wever Croes 2. Tur siman formador ta entrega un relato di e trabounan, y e siman aki e lo entrega e di dos relato, despues di a combersa cu 35 grupo y persona riba varios tereno. E intencion ta pa otro siman diamars, continua cu e serie di combersacionan, ya cu lo tuma un break