Laclé: Gunn y Lopez Tromp no ta integro debi cu no a honra protocol

Laclé: Gunn y Lopez Tromp no ta integro debi cu no a honra protocol

Posted on 07/22/2021 8:56 am AST | Updated on 07/22/2021 9:08 am AST

ORANJESTAD – E guera den partido politico MAS a sigui e siman aki ora cu (awor ex) miembro di partido Solangel Laclé a kibra silencio diaranson riba e problema cu a surgi entre e y e (awor ex) colega di partido sra Gunn. Durante un conferencia di prensa e siman aki, sra Laclé a habri afo riba no solamente sra Aquanette Gunn sino tambe e lider di partido Marisol Lopez Tromp como 'complice'.  Segun Laclé, tanto Gunn como Lopez no a respeta un protocol cu partido a firma dia 6 di mei ultimo cu ta bisa cu esun cu mas voto, ta bay den Parlamento, aunke cu tur sa cu e kiesverordening ta esun cu ta manda aki. Segun Laclé, ora cu el a yama Gunn riba e punto aki, Gunn lo a contesta cu el a actua segun orden y conseho di lider di partido, pues aki tambe Lopez a bira complice. 

PROBLEMA

Segun Laclé, contrario na e ponencia di Gunn (cu manera cu e portal aki a raporta caba den pasado recien) cu tabatin asesinato di caracter contra Gunn door di Laclé, e ultimo aki ta bisa di tin suficiente prueba pa proba lo contrario. Simplemente cu e loke a sosode, segun Laclé, ta prueba cu ni Lopez como lider y Gunn no a actua integro door di a nenga e uso di e protocol firma. Laclé a sigura cu el a subi e partido debi netamente door di e integridad cu Lopez tabata para pe, pa loke a pase (ora cu a sak'e di gobierno) y pa loke e ta(bata) para p’e. Pero awor ta mustra cu cos a cambia y cu ningun di dos ta integro mas. Ademas, Laclé a sigura cu si no ta pa su votonan (el a haya 189 voto y tabata candidato #4), e partido lo no a haya 2 asiento (1 restzetel). E partido a haya total 4681 voto, di cual Lopez a haya 4191, Gunn 77 y Laclé pues 189. Basa riba e kiesdeler, e partido a haya 2 asiento (1 plus 1 restzetel). 

CASO

Mirando cu legalmente e no tin caminda pa cana pa loke ta e protocol vs e ley, e ta bay si cuminsa un caso contra Gunn pa difamacion di caracter, pasobra esaki ta loke cu Gunn a haci den bista di Laclé, siendo cu esaki no tabata necesario. Y aki e ta sigura atrobe cu e tin prueba pa contra aresta tur loke cu Gunn a insinua y bisa den un declaracion recien. Segun Gunn, Laclé a canibalise y a haci yen di cos cu no tabata corecto. Aunke cu legalmente e no por bay contra e kiesverordening, tin loke ta husticia y ley. Ley ta loke ta gana aki, pero no ta husto loke cu Gunn y Lopez a haci, esta di ignora e palabracion firma segun e protocol. Esey ta tur cos. A puntra pa reaccion di Lopez pero no a ricibi esaki ainda. 

  • Cu cambio di aña pa 2023, tarifa combina nobo di BBO ta bira 7%

    Cu cambio di aña pa 2023, tarifa combina nobo di BBO ta bira 7%

    ORANJESTAD – Riba cambio di aña, e asina yama Plan di Impuesto 2023 di gobierno di Aruba ta drenta na vigor. Esak ta nifica cu pa e fecha ey, e tarifa combina di BBO ta cambia pa 7%. E mandatario encarga Xiomara Maduro a sigura cu e plan   tin como meta pa yega na un sistema fiscal mas simpel y husto. Aki e ta referi na e hecho cu mientras ta aumenta e tarifa combina di BBO, ta bin compensacion y reparticion husto pa e mehoracion di cumplimento di impuesto di ciudadano y bishitante. 

  • Premier Wever Croes: Cuater morto tragico den un fin di siman ta un golpi duro pa comunidad

    Premier Wever Croes: Cuater morto tragico den un fin di siman ta un golpi duro pa comunidad

    ORANJESTAD – Cuater morto tragico den un fin di siman ta un golpi duro pa comunidad. Esaki tabata e mensahe di prome minister Evelyn Wever Croes dialuna, relaciona cu e fin di siman tragico cu Aruba a experencia. E prome mandatario a te hasta haci mencion di e accidente di un siman prome cu a cobra bida di un motorciclista hoben. Pa loke ta e fin di siman aki, e mandatario a para keto na e dos susesonan tragico separa, y a mustra cu raportanan mester determina kico a pasa exactamente. Y den cada caso, si resulta cu tin persona(nan) cu tin cu responsabilisa nan mes pa e actonan, husticia lo trata esaki debidamente. E ta conciente cu e raportnan aki lo no trece e personanan fayeci bek. E la pidi pa tene cuenta cu falta 3 luna pa aña termina y pa nos tin mas compassion y ta mas cuidadoso. Mes momento a manda palabra di forza pa famianan di e 4 fayecidonan. Por mira e mensahe completo AKI. 

  • Minister a inaugural e Cruise Tourism Symposium riba dia di Turismo

    Minister a inaugural e Cruise Tourism Symposium riba dia di Turismo

    ORANJESTAD – Diamars dia 27 di September a celebra World Tourism Day y na mesun momento tambe a celebra Cruise Tourism Industry, cual ta un parti importante den e industria di turismo. Minister di Turismo y Salud Publico, Sr. Dangui Oduber, a inaugura e “Cruise Tourism Symposium” diamars atardi na Marriott Ballroom. 

  • Gobierno a dedica dia di turismo internacional na dos lider pionero den turismo

    Gobierno a dedica dia di turismo internacional na dos lider pionero den turismo

    ORANJESTAD - Diamars 27 di september en conexion cu “Dia Mundial di Turismo” a tuma luga un ceremonia y ponemento di krans na Plaza Juancho Yrausquin pa relexiona riba e esfuerso di cada trahado den henter e industria turistico, for di esnan cu ta traha den sector hotelero, pa esnan cu ta traha na aeropuerto y taxistanan. Pero tambe a honra y dedica e dia na dos lider pionero den turismo, señor Juan Enrique Irausquin y señor Ike Cohen. Prome Minister Evelyn Wever-Croes den su discurso na e ocacion, a conta e storia di ambos persona enfatisando e esfuerso cu cada un a haci pa nos industria turistico. 

  • Gobierno ta sigura cu no a scohe ‘gevmin’ pa Washington ainda, pero realidad ta otro!

    Gobierno ta sigura cu no a scohe ‘gevmin’ pa Washington ainda, pero realidad ta otro!

    ORANJESTAD – Gobierno di Aruba a sigura diamars den un comunicado, cu ‘no tin decision ainda ken lo reemplasa e actual minister plenipotenciario na Washington, Joselin Croes’. Esaki ta interesante mirando cu varios medio (incluyendo NoticiaCla) a raporta caba cu e posicion a keda yena caba y cu e nomber te hasta ta conoci. No solamente esey, pero e persona en cuestion, actual abogado Ronny Wix mes a confirma su funcion diamars pa NoticiaCla. E pregunta ta unda e confusion ta of ‘ken no a haya e memo’.

  • Gobierno a reuni cu secretario di estado van der Burg riba reapertura di frontera cu Venezuela

    Gobierno a reuni cu secretario di estado van der Burg riba reapertura di frontera cu Venezuela

    ORANJESTAD – Gobierno di Aruba a trata e tema di reapertura di frontera cu Venezuela diamars cu secretario di estado hulandes Eric van der Burg, cu tin e cartera di Husticia y Siguridad. Ministernan Rocco Tjon, Evelyn Wever-Croes y Glenbert Croes a reuni cu e mandatario hulandes,  mirando cu e topico di estranheria ta toca diferente faceta, y ta resorta bou di diferente Ministerionan a scoge pa  reuni den e constelacion aki. 

  • Powered by SETAR