Nicole Hoevertsz a bira Vice Presidente di Comitee Olimpico Internacional

TOKIO – E Arubiano Nicole Hoevertsz a keda escohi como e proximo vice presidente di Comite Olimpico Internacional diaranson mainta. Un honor hopi grandi pa un isla asina chikito. E ta reemplaza e Americana Anita deFranrtz cu a yega na conclusion di su terminonan di su funcion.  Hoevertsz tabata e unico candidato pa e funcion. Ora di su nombracion, el a mustra contento y a reacciona bisando:” Si bo a puntra mi antes si esaki tabata possible, mi lo a bisa cu esaki tabata un soño. Pero bo a haci e soño di un mucha muher chikito di un isla, possible”. 

TRAYECTORIA

Como ex landado sincronisa, el a participa na 1984 representando Antias e tempo ey, na Los Angeles y despues a sigui den funcion como ‘gobernante’ den e organisacion internacional. Na 2006 el a drenta Comitee Olympico Internacional como miembro. AWoraki e ta presidi e commission cu ta traha riba e progreso di weganan Olimpico di 2028 na Los Angeles. E la studia derecho na Leiden y ta bin di mama Hulandes y tata Arubiano, ex rector di Colegio Arubano, Dolf Hoevertsz (dfm). Hoevertsz lo tin e funcion nobo te dia 2025 ora cu e termino termina. E ora tambe e actual presidente Thomas Bach conclui su termino di 12 aña como presidente. E noticia a logra atencion mundial mesora y ta topico di discussion deportivo awe. Na Aruba reaccionan tabata hopi riba rednan social di felicitacion.  Noticiacla ta desea Nicole Hoevertsz tur clase di exito den su funcion nobo.