- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Formador: Tur candidato pa minister, sin excepcion, mester pasa door di screening
ORANJESTAD – Tur candidato pa minister tin cu pasa screening. Tambe esnan cu tabata minister caba. Asina formador Evelyn Wever Croes a confirma pa noticiacla diamars. “Tur kandidaat minister tin cu pasa screening di nobo, sea cu e tabata minister caba of no. Dus ami mester pase full di nobo atrobe” sra Wever a sigui bisa. Esey ta kita duda cu tabatin e dianan aki, unda cu hopi ta puntra kico ta sosode cu esnan cu tabata minister caba den e gabinete anterior y cu posiblemente ta bolbe den e funcion ey.
MINISTER CABA
For di loke ta wordo spera aworaki ta cu por lo menos 3 persona di gabinete Wever Croes 1 ta bolbe den esun #2. Cu excepcion di sra Wever Croes mes cu ta sigur di su funcion como prome minister atrobe, tin otronan cu posiblemente lo bolbe. Entre nan tin Xiomara Maduro y Dangui Oduber. Pregunta ta sinembargo kico e carteranan lo ta ora cu nan bolbe. E punto ta cu, no obstante cu bo a carga un cartera caba, esey no ta haci cu bo por ‘bypass’ e screening. Esaki pasobra ta netamente durante e periodo di minister cu un persona den e funcion ey, por a haci algo cu a resulta di no ta corecto. Ehempel tin p.e. di ex minister Paul Croes cu a pasa screening, bira minister y debi na su trabounan ministerial, a haye den problema te wordo sentencia. Glenbert Croes den un gabinete anterior (Eman) a pasa screening pa bira minister y despues a haye den problema cu e no tabata ministerialbel pa un periodo. Su ruman homber Gilberto mester a reemplase pa un periodo. Y den e gabinete demisionario, candidato Ady Thijsen no por a bira minister pasobra no a pasa e screening debi na problema cu impuesto y a resorta pa bira presidente di Parlamento. Aworaki porta e la resolve su asuntonan di tal forma cu awor si e lo por bira minister. Pues aworaki ta tur esnan cu tabata minister y cu tin aspiracion di bira minister, tambe tin cu pasa screening.
TUMA TEMPO
Manera cu formador sra Wever a bisa caba, e proceso cu ta tranca e formacion y huramentacion di un gabinete nobo, ta e proceso di screening. Y si tabatin duda cu e screening ta algo ‘suave’, ex minister Marisol Lopez Tromp durante e ultimo campaña a recorda na varios occasion cu e mes a pasa den un screening rigoroso prome cu e por a bira minister. Pues cu otro palabra pa no tin duda cu e proceso ta uno rigoroso. Si e proceso ta uno corecto, ta otro tema di discussion, ya cu tin ta haya cu e proceso di screening mester wordo cambia. A recomenda pa den futuro, screen un persona prome cu e bira candidato mes riba un lista, pasobra ta e ora e persona su carera ta cuminsa como politico.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
