Bubbel ta keda na vigor pa habitantenan full vacuna di islanan ABC biaha di un isla pa otro

KRALENDIJK/ORANJESTAD  – Habitantenan full vacuna for di islanan ABC (Aruba, Bonaire y Corsou_) no mester di haci test di PCR of test antigenico ora cu nan biaha entre e islanan ey. Asina informacion a sali for di Bonaire. E biaheronan aki mester yena e declaracion di salud si, di nan destinacion. Habitantenan di islanan ABC cu no ta vacuna cu ta biaha entre e islanan aki, mester haci un PCR denter 72 ora prome cu yegada na Bonaire. 

PAIS DI RIESGO HALTPO

For di diasabra ultimo Bonaire ta distingi 4 nivel di riesgo pa paisnan. Departamento di Salud y Gezaghebber di e isla ta tene e cantidad di caso di hende cu a pega cu e virus, bon na bista na Bonaire y islanan ruman. Si mester, ta adapta e condicionan di biahe pa biahero den e bubble. Pero esaki no ta e caso awor. Ta considera St Maarten como un pais di riesgo halto.