Awe formador ta reuni cu stakeholdernan riba tereno financiero

ORANJESTAD – E siman aki reunionan cu stakeholders riba tereno economico financiero ta cuminsa cu e formador sra Evelyn Wever Croes. Awe dialuna e tin planea pa topa cu por lo menos 4 di nan, cuminsando cu ATSA, ATIA, KVK y di aeropuerto, esta AAA. Unabez cu esakinan termina, a compronde cu e formador lo sigui cu su reunionan cu otro stakeholdernan, tur den cuadro di formacion di e proximo gobierno.