Reunionnan cu Stakeholders den e area di Salubridad a cuminsa

ORANJESTAD - Reunionnan cu Stakeholders den e area di Salubridad a cuminsadiabierna ultimo. Desde cu Prome Minister Evelyn Wever-Croes a wordo nombra como Formador di e gobierno nobo, mesora e trabounan pa yega na formacion di Gabinete Wever-Croes II a cuminsa. E proceso pa yega na un gobierno stabil ta wordo parti den 4 diferente aspecto. (1) Acuerdo di gobernacion entre Partidonan MEP y RAIZ. (2) Reparticion di e carteranan. (3) Apunta Ministernan y screening. (4) Reunionnan cu Stakeholders. E prome area riba schedule tawata salubridad.

Segun e mandatario, e reunionan aki a bay bon. E proceso pa forma e siguiente gobierno ta hopi serio y importante y mester tuma su tempo. Como formador, mi ta reuniendo desde awe cu diferente stakeholders den nos comunidad y ta gradici cada un cu a honra nos invitacion y sinta cu mi den e etapa importante aki di formacion di e miho gobierno cu Aruba por tin den e temponan aki", Prome Minister Evelyn Wever-Croes a duna di conoce.