Candidato pa presidencia di AVB Kurt Thomas: Kier hiba nivel di futbol mas halto

Candidato pa presidencia di AVB Kurt Thomas: Kier hiba nivel di futbol mas halto

Posted on 07/16/2021 2:52 pm AST | Updated on 07/16/2021 5:20 pm AST

ORANJESTAD - ‘Tresiendo futbol bek na e pueblo’, ta e slogan di Kurt Thomas su campaña pa su presidencia di AVB. “E pueblo ta anhela di bai stadion bek, di por experiencia y wak futbol den un lus positivo y di wak su seleccion nacional hunga weganan internacional bek na su dushi cas Aruba.”, ta palabranan di sr. Thomas expresando e anhelo di e atletanan y fanaticada di futbol y otro interesadonan.

Despues cu Kurt Thomas a postula su mes pa President di AVB den 2021 y a haña e aprobacion diaranzon dia 14 di juli 2021 di directiva di AVB cu su postulacion ta valido den e proximo eleccion di Arubaaanse Voetbalbond, sr. Thomas ta splika e motivacion y metanan principal cu e lo splika tambe den e reunion general di clubnan miembro di Arubaanse Voetbal Bond cu lo tuma lugar 21 juli venidero.

E directiva ehecutivo, incluso e presidente, di AVB ta wordo escohi como autoridad maximo pa representa futbol en general na Aruba. E directiva di AVB su mision general (mester) ta pa juda organisa y desaroya futbol en general na Aruba. AVB mester sali na vanguardia y juda duna sosten y conosemento na un y tur cu ta asocia cu e deporte di futbol na Aruba, en especial su Club Miembronan.

AVB ta hunga un rol importante door di duna e sosten necesario hasiendo uso di su contactonan internacional y local. E sosten mester inclui conosemente, material di practica necesario y guia na tur Club Miembro y stakeholders di Aruba.

‘Desde tempo cu mi tabata hoben y ma siña hunga futbol na e veld net dilanti mi cas, mi a wak con e deporte di futbol a uni e bario y trese hendenan hunto den e bario pa juda e bario desaroya. Nos tabata ruman nan hungando futbol dushi y sano cu otro sin sa cu nos tabata desaroyando nos talento pa e deporte cu nos ta bai ta stima asina hopi den nos bida.” Kurt Thomas a hunga di edad hoben pa e organisacion di futbol ASV River Plate, tambe tabata entrenador certifica despues cu e la regresa di su hulanda di su estudio y a fungi como vice-president di ASV River Plate.

Cu 8 aña di experiencia como miembro di directiva ehecutivo di AVB, hopi aña di experiencia den futbol y cu hopi experiencia den e mundo di enseñansa/educacion, tambe innovacion/digitalisacion den enseñansa na nivel nacional y internacional, Kurt Thomas ta mira e futuro di AVB como un organisacion esencial pa nos comunidad di Aruba tresiendo e respet y confiansa bek den futbol. E respet y confiansa aki no ta solamente den e deporte di futbol pero tambe pa un y tur cu ta juda den e desaroyo di e deporte di futbol na Aruba. Cu tur e experiencia acumula, sr. Thomas ta wak cu e lo por duna e contribuicion na nivel nacional pa juda desaroya e futbol tan anhela cu nos pueblo a warda pa hopi aña caba.

E plan pa un progreso solido ta consisti pa sigui desaroya e organisacion di AVB conhuntamente cu e desaroyo di e organisacion di Clubnan miembro: e desaroyo aki mester bai man den man cu otro. Segun Thomas, e futbol na Aruba no ta di un hende so, un grupito di hende y/of un instancia so pero di tur e participanten/actornan cual ta directiva di AVB, jungador, referi, entrenador, dirigente, fanaticada, stakeholders, partners y e pueblo di Aruba en general.

  • Landador di Aruba Mikel Schreuders a mehora su tempo awe mainta na Tokyo

    Landador di Aruba Mikel Schreuders a mehora su tempo awe mainta na Tokyo

    TOKYO – Mientras cu su tempo no tabata suficiente pa avansa, e landador di Aruba Mikel Schreuders a landa e disciplina di 100 meter freestyle y a mehora su tempo. Awe trempan ora di Aruba, Schreuders a drenta pool den di 5 heat y ta logra termina cu un tempo di 49.31. Mester menciona cu e tempo aki Mikel ta mehora su tempo di CCCAN (50.37) y como tambe Campeonato Arubano (51.85). Tambe presente na Tokyo Aquatic Centre tabata e delegacion completo di Arubap’asina apoya e atleta Schreuders. Diabierna awor e siguiente atleta Allyson Ponson lo ta mirando accion. Informacion y potret cortesia Comitee Olimpico Arubano (COA) 

  • Miho gimnasta femenino di mundo Simone Biles ta retira sorpresivamente di Olimpiada na Tokyo

    Miho gimnasta femenino di mundo Simone Biles ta retira sorpresivamente di Olimpiada na Tokyo

    TOKYO – Considera como e miho ginmasta femenino di mundo Simone Biles a retira sorpresivamente for di Weganan Olympico diamars, sitando problema medico. E tabatin problema cu su rutina diamars y despues cu awa na wowo a retira. E lo no compete na e resto di e evento olimpico segun su vocero. 

  • Soño di landador Alejandro Timp (dfm) a keda cumpli na Tokyo

    Soño di landador Alejandro Timp (dfm) a keda cumpli na Tokyo

    TOKYO - Atletanan Allyson Ponson Mikel Schreuders y coach Ismael Santiestaban a haci e soño di Alejandro Timp awe den felis memoria bira un realidad na Tokyo, Japon.

  • Tenista yiu di Corsou a test positivo pa Covid19 na Tokyo durante Olimpiada

    Tenista yiu di Corsou a test positivo pa Covid19 na Tokyo durante Olimpiada

    TOKYO – E tenista yiu di Corsou Jean Julien Rojer(39) a test positivo pa Covid19 na Tokyo y ta despedi di e Olimpiada tambe. E lamentable ta cu un dia prome el a gana su prome wega di doubles cu Wesley Koolhof. E tabata den e seleccion di hungadornan Hulandes y tabata riba e buelo ‘controversial’ di KLM riba cual varios hungador a biaha pa Tokyo y a keda contagia. 

  • AVB: V Britannia a titula campeon den division dama

    AVB: V Britannia a titula campeon den division dama

    ORANJESTAD - Diasabra a tuma luga e wega final di futbol division dama. SV Britannia a enfrenta SV Racing Club Aruba (RCA). E hungadonan Bindiya Wadhwani y Michaela Netto a anota e golnan ganado. E dos hungadonan aki a hunga un wega di play-off final den futbol U13 di mucha homber. Ambos a sobresali riba tereno demostrando un bon nivel di wega mescos cu cualkier mucha homber riba tereno. Y un biaha mas nan a demostra esey.

  • Mikel Schreuders a landa bon den 200 meter na Tokyo freestyle pero no pa clasifica

     Mikel Schreuders a landa bon den 200 meter na Tokyo freestyle pero no pa clasifica

    TOKYO – E atleta landador di Aruba Mikel Schreuders a sali na di dos lugar diadomingo den su prome salida di landamento 200 meter freestyle na Weganan Olympico di Tokyo. Mientras cu e prestacion tabata bon cu un tempo di 1:49.43, e no tabata suficiente pa e logra pasa pa e semifinal di e disciplina ey. E ta sigui diamars mainta pa e disciplina di 100 meter freestyle. Diasabra marduga  e atleta di tiro Philip Elhage tabata e prome pa mira accion. Su prestacion personal tabata bon pero no suficiente pa e clasifica pa e siguiente buelta. Potretnan cortesia Comitee Olimpico Arubano. 

  • Powered by SETAR