SMAC: Den 2022 Carnaval ta on na Aruba y ta cuminsa for di november awor

ORANJESTAD - Diaranson 14 dí Juli 2021 twt tin un reunion entre S.M.A.C. y Grupo nan. E punto di agenda tawata Color Parade. Un reunion den un ambiente agradabel segun SMAC unda a discutí diferente punto y unda tambe a sa di duna diferente splicacion, na final a yega na un consensus entre tur partido. 

Loke a keda acorda entre tur partido: Temporada di Carnaval di Aruba ???????? ta cuminsa Dia 11 di November y ta caba Diamars prome cu Diaranson di shinishi. 

Tambe a confirma cu e asina yama Color Parade ta Diabierna 12 di November 2021. A palabra tambe cu Champagne Carnival Group, TOB Carnival Group, Empire Carnival Group y Pink4life Carnival Group lo adopta un grupo di Mucha e demas grupo nan lo bai den un solo grupo pa recauda un start up funds pa por bai Carnaval 68 den 2022. 

Na mes momento S .M.A.C. kier informa cu 11 di November lo presenta e apertura di e temporada di Aruba su Carnaval sigi pa Diabierna 12 di November pa e Color Parade, Diasabra 13 November S.M.A.C. Gala Mascarade Ball.  S.M.A.C. lo sigi informa pueblo después di  cada reunion. Pa Pueblo ta bon informa di e celebracion cultural más grandi di nos Pais.