Crisis Team: Ainda no ta permiti pa organisa ningun evento publico of concierto

ORANJESTAD - Crisis Team di Gobierno di Aruba a informa diahuebs atardi cu na e momentonan aki ainda no ta permiti pa organisa ningun evento publico of concierto. E anuncio aki ta conforme e ultimo Ministeriële Regeling, articulo 1 cu ta indica cu e tipo di actividadnan aki ta prohibi. E medida aki ta na vigor considerando tambe tanten cu e variante DELTA ta presente y plamando den nos comunidad, e porcentahe di vacunacion y e extra riesgonan cu tin na momento cu un cantidad grandi di hende ta aglomera. Crisis Team ta spera cu tur esnan cu tin pensa pa organisa cualkier evento of concierto pa tuma bon nota di e participacion aki. E comunicado no ta specifica si e eventonan di ultimo fin di siman manera spula krijt of otro evento cu tabatin bandanan musical ta cualifica den e grupo aki.