WILLEMSTAD - Defensa Hulandes a konstatá kontagio bou di su mes rangonan na Kòrsou. E organisashon directamente a tuma accion i a pone personal cu kehonan relata na COVID, of cu un test positivo di PCR, den isolashon. Asina e sobra di e personal por sigui eherce nan tarea mas tanto cu ta posibel.
Defensa mas tantu cu ta posibel ta tuma e medidanan di RIVM den considerashon i den caso di duda (of keho), coleganan ta keda pone den isolashon preventivo of cuarentena. Aunke cu Defensa, caminda por, ta mantene su mes na e medidanan di prevenshon, den e tipo di trabou komo Militar no ta semper posibel pa kumpli cu e guia aki. Pensa den direccion di trabounan den espasionan krap, tal manera espasionan di makinaria, un cushina na bordo di un barcu, of na momentu cu bo mester drumi huntu cu mas persona den un tent.
No opstante e medidanan no por exlui un contagio ku COVID-19. Defensa ta tuma contagio hopi na serio. Ta pa e motibu ei Comandante di Forsanan Naval den Region Caribe a dicidi pa pone e (supuesto) militarnan contagiá na Corsou den isolashon y pa tèst nan, pero incluso personal cu un riesgo haltu, posiblemente pa medio di un fuente di contakto, ta ser pone den cuarentena. Pa medio di ehekushon na un forma korekto di e periodo di isolashon of karentena, ta posibel pa ubica e militarnan operashonalmente mas pronto cu ta posibel despues i di un forma sigur.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.