Prensa internacional conmovi cu morto di Peter R. de Vries

AMSTERDAM – Mientras cu Hulanda ta na luto pa morto di su periodista icono di crimen Peter R. de Vries, prensa internacional tambe a reacciona masalmente riba e noticia aki, en parti pasobra e ta trata di un colega periodista hopi popular y gusta. Na Merca, ta referi na e periodista cu a logra hopi pa e caso di desaparicion di e Mericano Natalee Holloway na Aruba na 2005. Esaki a duna prensa Mericano e angulo di interes diferente. Cadenanan manera CNN, BBC y otronan a raporta e noticia di su morto mesora tambe. Otro paisnan tambe a raporta e noticia mesora y tabata sigui e desaroyo di e atentando riba su bida siman pasa, diariamento cu informacion riba su estado te na su morto awe mainta. Gobernantenan Hulandes tambe a manda nan palabra di Convivencia, for di Rey Willem Alexander te na prome minister Mark Rutte. For di coleganan di prensa Hulanda, e portal aki a compronde cu Hulanda completo ta den shock y luto y cu tur cos a bruha formalmente pa loke ta e bida diario awe.