Minister: Ta dificil pa subsidia su museo di antiguedad pero a desea Heintje Ras exito cu su hazaña

ORANJESTAD - Na e momentonan aki caba tin dificultad pa subsidia e museonan existente y pa e motibo aki e no ta na alcanse di Gobierno pa bay subsidia e museo di antigüedad di sr Ras. Esaki minister demisionario di Cultura Xiomara Maduro a bisa sr Heintje Ras recientemente durante su bishita. Sr Ras e siman aki a presenta su plan pa su hazaña pa recauda fondo pa un museo di antiguedad. E la haci esaki debi cu no a tende nada di gobierno. E siman aki gobierno a informe di e situacion urante e reunion.  Segun e mandatario, e fundacion a haci un peticion pa por a haya un edificio na freezone of na APA, pero ningun di e edificionan aki ta na disposición di Gobierno pa por bira duna of presta na e fundacion. E proyecto ta uno grandi y bunita y pesey a conseha sr. Ras pa laga traha un businessplan pa asina por traha e proyecto grandi aki den fase pa asina por ta sigur cu e proyecto por ta factibel. 

ECONOMIA NO FUERTE

Actualmente Aruba su economia no ta suficiente fuerte pa asina produci fondo pa opera full gobernacion di Pais Aruba.  

DESEO DI SUERTE

Minister di Cultura Xiomara Maduro ta desea sr. Ras hopi exito cu su hazaña spera cu Dios cuid'e pa e por logra su meta 100 dia den mina di fosfaat na Seroe Colorado pa establece record den Guiness Book  of World Records y recauda fondo pa un mega museo.