‘Global Money Week Aruba’ ‘The Classroom Edition’ a tuma lugar

Posted on 07/14/2021 10:36 am AST | Updated on 07/14/2021 10:37 am AST

ORANJESTAD - Recientemente e studiantenan di 5e y 6e klas di scolnan basico; Colegio Sagrado Curason y Reina Beatrix a participa na e prome edicion “Global Money Week Aruba - The Classroom Edition”. E enfoke e aña aki tabata pa organisa un version digital den klas cu e studiante y docentenan. E “Classroom Edition” a cubri tres tema, cual tabata: (1) Gasta y spaar (2) Gana placa y (3) Comparti. E temanan aki a cubri e importancia di presupuesta y spaar, empresario, y duna bek na comunidad. Studiantenan a ricibi lectura digital riba e temanan aki den klas y a traha riba tareanan y presentacion den grupo. 

E tema “Comparti” a wordo patrocina pa Banco di Caribe, Ennia y Kiwanis Club of Aruba y tabatin como meta pa inspira e studiantenan di e importancia di duna bek na nos comunidad y e diferente manera con pa haci esaki. 

Den e presentacion, e studiantenan por a mira dos video di dos diferente fundacion na Aruba, cual tabata: Cruz Cora y Fundacion Pa Nos Comunidad pa asina ricibi mas informacion di e fundacionnan, cu ta haci hopi pa e comunidad di Aruba. 

E studiantenan tabatin como tarea pa traha den grupo y asina “brainstorm” diferente ideanan con pa colecta mas fondo y trece mas conscientisacion pa un di dos fundacionnan. Un total di 9 presentacion e tema “Comparti” a ricibi di e scolnan cu a participa. E tabata un tarea dificil pa por a saca un ganador di e tema “Comparti”. 

Ganador di e “Community Track” ta klas 5-C di Colegio Sagrado Curason y nan a scoge  Fundacion pa nos Comunidad. Nomber di e ganadornan: Ismari Servud, DeQuin Maduro, Luciet Gutierrez, Ezequiel Nahar, Kay-Lianne Bello. E studiantenan a ricibi un certificado y un regalo. 

Pa clausura e proyecto di e tema “Comparti” hunto cu e scol, Banco di Caribe, Ennia y Kiwanis Club of Aruba a haci entrega di un donacion na Fundacion pa nos Comunidad di AWG 1500 y na Cruz Cora AWG 750.

Ta hopi importante pa aporta na nos comunidad y di e forma aki ta spera di por stimula mas campaña pa duna nan aporte, paso na final ta hunto so nos por haci un diferencia.

Por ultimo kier gradici tur e studiantenan di Colegio Sagrado Curason y Reina Beatrix Bassischool cu a participa y a haci e prome edicion di “Global Money week Aruba – The Classroom Edition” uno exitoso.

 

 

 

  • BCA: Cantidad di placa den circulacion a crece na Aruba

    BCA: Cantidad di placa den circulacion a crece na Aruba

    ORANJESTAD - Compara cu april 2021, e cantidad di placa den circulacion a crece cu Afl. 46,8 miyon te na Afl. 4.984,5 miyon den e luna di mei 2021. Esaki a resulta for di un subida den e reserva di divisa netto (+Afl. 51,2 miyon) y un caida den reserva activo domestico netto (-Afl. 4,4 miyon). Asina Banco Central di Aruba (BCA) ta raporta. 

  • AAA: Aerolineanan ta sigui añadi mas buelo pa AUA pa winter

    AAA: Aerolineanan ta sigui añadi mas buelo pa AUA pa winter

    ORANJESTAD – Aruba Airport Authority N.V. (AAA) compania cu ta maneha Aeropuerto Internacional Reina Beatrix (AUA Airport), a anuncia e siguiente desaroyonan den e schedule aereo pa e temporada di winter.

  • E fecha final pa paga impuesto di vehiculo di motor ta 2 di augustus 2021

    E fecha final pa paga impuesto di vehiculo di motor ta 2 di augustus 2021

    ORANJESTAD – Departamento di Impuesto ta recorda cu e fecha final pa pago di impuesto di vehiculo di motor di e di dos mita di an?a 2021 ta 2 di augustus 2021. Ta importante pa tur contribuyente cumpli cu e deber aki na tempo y asina evita extra gasto innecesario, cual ta e boet administrativo di 50% riba e saldo di impuesto. Si no cumpli cu e pago menciona na tempo, e boet ta wordo procesa y an?adi na e debe di impuesto automaticamente dia 3 di augustus 2021. Den e caso aki e contribuyente lo ricibi un cobransa adicional (naheffingsaanslag).

  • Pay.aw ta lansa promocion hunto cu Subway

    Pay.aw ta lansa promocion hunto cu Subway
  • BCA: Cantidad di placa den circulacion a expande

    BCA: Cantidad di placa den circulacion a expande

    ORANJESTAD - Compara cu maart 2021, e cantidad di placa den circulacion a crece cu Afl. 80,2 miyon te na Afl. 4.937,7 miyon den e luna di april 2021. Esaki a resulta for di un subida den e reserva di divisa netto (+Afl. 234,4 miyon) y un bahada den reserva activo domestico netto (-Afl. 154,0 miyon). 

  • CBA: Demanda mas abou pa credito na consumidor den april 2021

    CBA: Demanda mas abou pa credito na consumidor den april 2021

    ORANJESTAD - Durante e reunion di 8 di juni 2021 y despues di a revisa dato economico y monetario mas recien, e Comite di Maneho Monetario (CMM)  di Banco Central di Aruba (BCA) a dicidi pa mantene e porcentahe actual di e tasa di e “reserve requirement” (reserva rekeri) na 7,0 porciento.  E tasa di e reserva rekeri ta e cantidad minimo di reserva cu banconan comercial mester mantene na BCA y ta igual na 7,0 porciento di nan obligacionnan cu ta vence den menos di 2 aña. A considera e siguiente informacion y analisis pa yega na e decision aki. 

  • Powered by SETAR