Volkswagen Caminhões e Ônibus a entrega su prome truck 100% electrico

(ADVERTORIAL)

BRASILIA – Diamars mainta na Brazil, e compania Volkswagen Caminhões e Ônibus a presenta su prome truck 100% electrico. Tabata Roberto Cortes, presidente y CEO di VWCO, cu a presenta e yabi  di e prome truck na Rodrigo Figueiredo, vice president of Sustainability and Supplies na Ambev. Loke ta haci esaki interesante ta cu na Aruba, e compania automotriz Jossy Motors NV lo ta su representante exclusivo, pues lo tin esaki tambe presente na Aruba. E intencion ta di e compania madre pa tin un flota di e trucknan aki riba caya Brasilero pa fin di 2021. Y pa fin di 2025, tin 1600 modelo di e truck riba caminda. E nomber ta    e-Delivery 14 ton 6x2. Tur e modelonan previo tabata den desaroyo. A haci mas di 45.000 kilometer di prueba, unda cu a evita emission di mas di 34 tonelada di CO2 y consumo di mas di 10 mil liter di diesel. E ciclo a confirma tambe e potencial pa regenera 40% di e energia ora cu e vehiculo brake y of decelera den velocidad riba caminda. 

JORNADA

Pa e vice presidente di Sostenibilidad di AMBEV, Rodrigo Figueiredo, e jornada a cuminsa casi 20 aña pasa pa scapa carbon, cu un enfoke riba eficiencia di energia y cambio den nan matrix pa biomass y gas natural. Desde e momento ey, nan ta hopi contento cu e logro y iniciativa pionero, cu ta pone cu awor nan meta Ambiental ambicioso a kdeda logra. Desde 2003 nan a logra reduci 63% di e emission completo.