- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Despues di kijkdag dialuna pa auto y brommer, lo por destrui e vehiculonan
MACUARIMA - Alto mando di Cuerpo Policial di Aruba ta organisa tres kijkdagen relaciona cu tur e vehiculo (autonan y brommernan) staciona na diferente warda di polis. Algun di e vehiculo a wordo confisca durante accion di trafico di polis, algun vehiculo a wordo haña banda di caminda of den mondi dor di polis, algun vehiculo ta procedente di ladronicia, etc. Tin hopi vehiculo cu ta na e localidad di cuerpo polical pa basta tempo caba algun mas cu tres aña. E cantidad di e vehiculo aki ta stroba e funcionamiento na e localidadnan aki. Comunidad por pasa libremente y wak e vehiculonan. Si abo ta un doño di auto y por demostra cu documento cu un vehiculo ta di bo of cu abo tin tur documento na ordo.
E kijkdagen nan ta tuma lugar dia: 19, 20 y 21 juli 2021. Esaki lo tuma lugar na warda di Shaba/Noord, Santa Cruz y Balashi. E orario lo ta di 09:00 mainta pa 2:00 atardi durante tur tres dianan aki. E persona cu ta bay pa bishita e kijkdag / regla su asunto di vehiculo por pidi na e warda di Noord of Santa Cruz pa e Chef van Dienst y na Balashi pa un funcionario di e Bureau Beheer Vervoersmiddelen (garashi di polis).
Tene cuenta cu KPA ta autorisa pa cobra e suma di Afl 25,= pa cada dia cu un vehiculo ta riba tereno di KPA (Retributie- en legesbesluit Korps Politie Aruba 2002). Apart di esey si e ta un caso di papelnan vigente (seguro, belasting, etc.) e doño mester tin tur su papelnan na ordo. Despues di e periodo di kijkdagen aki e diferente vehiculo lo (por) wordo destrui.
Aruba presente na Merca pa congreso di crimen cibernetico
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
Aruba ta conoce su di 4 morto di trafico pa 2024
Wardacosta ta controla boto local y ta haya droga abordo
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
Marco Tromp (80) a bira e di 3 morto di trafico di 2024
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
Warda Costa a evacua pasahero malo di barco crucero y trece Aruba
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
Wardacosta lo controla botonan riba lama durante Semana
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.
Follow NoticiaCla
