Carnival Horizon a bolbe Aruba awe despues di 16 luna

ORANJESTAD – Despues di un ausencia di 16 luna debi na e pandemia, e bapor Carnival Horizon di Carnival Cruise Lines a ricibi su welcome cu spuit di botonan ora cu el a bolbe Aruba diamars mainta. Mientras cu su capacidad ta pa 3960 pasahero, el a yega nos isla cu 2800 pasahero, cu sigur ta un logro grandi bou di circumstancia. Tur pasahero ta vacuna, y esnan no vacuna, lo ta presente den un asina yama ‘bubble’ cu ta percura pa seguridad pa otronan. 

DETAYES

E bapor crucero ajki, ta un tipo Vista Class, opera pa Carnival Cruise Lines y ta e di 26 bapor den e flota di e liña y e di dos den e Vista Classs, fuera di Carnival Vista y Carnival Panorama. E tin un tonelada di 133.596 GT y capacidad di 3960 pasahero. A cuminsa construccion di e bapor na 2016 y un aña despues a lansa esaki oficialmente.