Wever: Tin hopi ‘’fake news’ riba formacion di gobierno bayendo rond

ORANJESTAD – For di momento cu resultado di eleccion tabata conoci, a cuminsa cu e speculacion di formacion di gobierno. Y e biaha aki ya tin un lista ta circulando di reparticion di cartera. Tur esaki segun prome minister demisionario Evelyn Wever ta fake news. “Diabierna ultimo mi a wordo nombra formador pa e gobierno nobo. E trabounan a cuminsa caba. Nos lo traha un acuerdo di gobernacion riba lineanan grandi, nos lo yega na reparticion di cartera entre MEP y Raiz, y nos lo propone candidato pa minister pa nan pasa e screening. Awor apenas nos ta cuminsando y no tin ningun palabracion ainda. Lo tin hopi “fake news” e dianan aki, no bai nan tras. Duna nos e espacio pa nos por forma un bon coalicion” e mandatario a bisa. El a confirma tambe pa e portal aki cu e lista cu ta circula no ta corecto.