AHATA: Ocupacion di hotel na Aruba a yega 70% na juni

ORANJESTAD - : Ocupacion di hotelnan na Aruba a yega 70% durante luna di junidi e aña aki. Asina e asosacion di turismo di Aruba, Aruba Hotel & Tourism Association (AHATA) a anuncia diamars mainta. AHATA ta acumula e cifranan di ocupacion y prijs di hotelnan tur luna, y CEO di AHATA Tisa LaSorte, ta raporta cu recuperacion di grado di ocupacion ta sigui den bon rumbo. 

JUNI 2021:

-        Ocupacion: E grado di ocupacion tabata 69.5%; un reduccion di 16% compara cu juni 2019.  

-        ADR: E balor averahe di cada camber bendi tabata $246.05, cual ta 8% mas cu na 2019. 

-        RevPAR: E entrada averahe pa tur camber disponibel tabata $171.06, representando un reduccion di 9% compara cu 2019.

PROME MITAR DI 2021:

Den prome 6 luna di 2021, Aruba su hotelnan a experiencia ocupacion averahe di 45%. ADR a reduci cu 15% compara cu e mesun temporada na 2019, y RevPAR a resulta di ta 55% menos. 

PROYECCION:

Ocupacion averahe di hotel na juli ta proyecta na 76% y pa augustus ta proyecta na 70%. Expectativa actual pa ocupacion averahe di ful aña 2021 ta 57%, cual ta 33% menos cu ocupacion di 2019. 

TIMESHARE:

Ocupacion na e propiedadnan Timeshare tabata 81% na juni y proyeccion pa juli ta 87%.