Tjon-Kock: Increibel tabata e comportacion di un grupo di hende den fin di siman

ORANJESTAD – Ta increibel e comportacion di un grupo di hende e fin di siman aki na Aruba. Asina e hefe maximo di polis Vanessa Tjon-Kock a bisa durante un conferecia di prensa dialuna mainta. E hefe di polis a referi na e cantidad di casonan di dalmento (60) den apenas un fin di siman, cantidad di pelea, y e hecho cu hasta polis ta wordo agredi durante su ehecucion di trabou. Segun e hefe maximo, polis lo no ria y lo continua cu nan controlnan den e dianan cu ta sigui. 

HENDE NO TA TENE CUENTA

A mustra cu hendenan no obstante e peticionan, no ta teniendo cuenta cu e situacion y ta retando polis y otro instancia durante specialmente fin di siman. A manda mensahe specifico pa doñonan di establecimento cu lo no ta teniendo nan mes na e reglanan y ta causante di problema den fin di siman.