Gabinete Rutte a anuncia medida ‘nobo’ atrobe contra Covid19

DEN HAAG – Gabinete Rutte a anuncia medidanan nobo contra e pandemia Covid19, ni dos siman despues cu a pone algun paso den direccion di ‘libertad’. E medidanan tabata necesario debi na e explosion di e contagio di e ultimo simannan. Rutte a splica cu e ta compronde cu ta mal noticia, pero e ta necesario. Un di e medidanan mas crucial tabata pa e bida nocturno, cu mester a stop atrobe practicamente. Tur club, bar y discoteca mester cera nan porta for di 12 mei anochi entrante diasabra awor. Aparentemente e contagio ta tuma lugar na cas den fiesta y tambe den horeca segun Rutte. E resultadonan di prueba ta valido solamente pa 24 ora, pues si bo test ta mas bieu cu esey, e no ta valido mas. Dia 13 di augustus ta dicidi atrobe kico ta pasa cu e medidanan impone entrante diasabra awor.