Edgard Vrolijk y Ursell Arends temporalmente lo dirigi Parlamento di Aruba

ORANJESTAD – Diahuebs atardi, Edgard Vrolijk (MEP) y Ursell Arends (RAIZ) a keda eligi como e proximo presidente y vicr presidente di Parlamento di Aruba, e di diesun Parlamento di Pais Aruba.  Cada uno a ricibi 11 voto di e 20 coleganan cu a participa den e votacion, cual lo por indica un posible palabracion pa cu e siguiente coalicion Ademas, mester bisa tambe cu esaki lo por ta temporal mirando cu ora cu formacion di gobierno keda cla, e constelacion di Parlamento por cambia atrobe. En dado caso cu partido RAIZ forma un gobierno cu partido MEP, por ta cu sr Arends por bira minister y e ora e ta cambia di funcion. Mescos ta e caso cu sr Edgard Vrolijk. Esaki kier men cu nan lo 'schuif op *y lo mester eligi un presidente y vice presidente nobo. *. Hecho ta tambe cu irrespecto kico pasa cu formacion, na september proximo lo eligi un otro presidente y vice presidente ora cu e aña Parlamentario oficialmente termina y un otro cuminsa, cu ta riba e di dos diamars di september.