Dentro di dos siman prisoneronan na KIA por ricibi bishita atrobe

ORANJESTAD – Departamento di KIA diahuebs a anuncia cu entrante di dialuna 19 di juli 2021, lo re-activa bishita pa prisoneronan na e instituto. 

E bishita ta tuma lugar bao di e siguiente condicionnan:

-        Cada Cliente por ricibi dos adulto of un adulto cu dos menor di edad.

-        Cada bishita ta dura 75 minuut

-        Tur bishitante mester pasa control di seguridad sin piep (Damas tene cuenta cu underwear cu balijn).

-        Tur bishitante 12 aña y ariba mester demostra e certificado cu ela ricibi su 2 vacunanan, sino no por drenta nos Instituto. 

-        Bishitante mucha te cu 11 aña no mester demostra e certificado di vacuna ja cu esaki no ta posibel ainda, manera e edad di vacuna baha e exigencia pa vacuna ta bira mandatorio.

-        Tur bishita ta bai tras di plexi glas conforme e normal nobo pa proteccion di eclientenan y bishitante.

-        Cada bishitante ta wordo pidi caricidamente pa trece su propio mondkapje y mester tin esaki bisti for di momento cu e ta drenta den e Instituto te na e momento cu e ta sali. E mondkapje no mag wordo kita durante bishita. Si no tin mondkapje no ta drenta e Instituto.

-        Clientenan y bishitantenan mester usa handsanitizers disponible den Sala di Bishita.

-        Bishitantenan cu tin sintoma di griep, verkoud of keintura no ta ser permiti pa drenta nos Instituto. 

-        Tur bishitantenan ta pasa door di un control di temperatura y control di seguridad, te recorda tur bishitante riba nos reglanan di cas encuanto seguridad.

-        En caso cu un bishitante ta registra un temperatura superior di 38 grado celsius, no por drenta nos instituto.

-        Clientenan cu tawata hasi uzo di skype ta keda mescos, pa esnan cu no tawata hasi uzo di Skype ta urgi pa nan famia departamento di censuur pa asina hasi un cita pa bishita.

-        Tur clientenan cu tin nan orario di bishita registra di skype, ta keda cu mesun orario y pa esnan cu no tawata hasi uzo di skype ta urgi pa nan famia yama departamento di censuur 5246329 / 5246330 pa hasi cita.

-        Tur cliente cu ta prefera di sigi haya bishita via skype por manda un spreekbrief indicando esaki.

-        Bishita via skype ta bai keda solamente ariba diaranson na e mesun orarionan di bishita.

-        Directie di DGWA ta pidi un y tur pa tene cuenta cu e condicionan, si no cumpli bishita no ta bira posibel.

Di antemano Directie di DGWA a gradici un y tur pa coopera cu e medidanan di Seguridad. Y tambe a kier a gradici tur clientenan y nan famianan pa nan pasenshi pa e aña cu KIA a keda cera pa bishita y asina conjuntamente logra e meta di mantene eInstituto Penitentiaro liber di Covid19. Ta bon pa remarca cu e medidanan interno a resulta den 0 infeccion bao di e poblacion di e clientenan.