Knops: Mientras Aruba depende di subsidio di Hulanda, cortamento den salario ta continua

ORANJESTAD – E hecho cu gobierno di Aruba a suavisa medidanan recientemente contra Covid19, no ta nifica cu e cortamento den salario di trahadonan publico tambe ta keda elimina. Secretario di estado Hulandes Raymond Knops a splica den e programa NoticiaCla LIVE diaranson cu mientras cu Aruba ta depende di ayudo di Hulanda pa subsidio, e cortamento di salario lo continua, manera indica anteriormente ‘te proximo aviso’. Esey e mandatario no ta mira cambia pa aworaki, y tampoco si revoca esaki, e lo por haci cu forza retroactivo. 

E mandatario a mustra cu ainda e pandemia no a termina y ainda Aruba ta depende di e ayudo financiero. Y no tin bista ainda kico lo sosode. Y mester imagina si dado caso bin un aumento atrobe debi na un of otro variante cu por causa un brote nobo, e ora mester percura pa esaki ta cubri. Pues por lo pronto, e cortamento di salario di 12.5% ta keda vigente. Mescos ta conta pa e cortamento den salario den sector publico, esaki tambe lo keda manera e ta aworaki, ‘te proximo aviso’.