E autornan di e tiramento riba periodista de Vries por tin vinculo Antiano

AMSTERDAM – Mas cu 24 ora despues di e atentado riba bida di e periodista Peter R. de Vries, tin mas cos cu a bira conoci. Entre nan, ta trata di e personanan cu a keda deteni pa cu e caso aki. E persona Hulandes ta segun dos medio Hulandes e homber cu vinculo Antiyano, esta e homber di 21 aña Delano G y ta un conoci di polis. Recherche tin indicacion cu ta Delano G ta e persona cu a tira riba de Vries. A haci un entrada hudicial na su adres na Tiel. E otro sospechoso ta bin di Maurik, y ta probablemente e persona di origen Polaco, Kamil E. E posiblemente lo tabata e chauffeur di e auto cu a usa pa scapa. Polis sinembargo no kier a confirma e identidad y e ‘envolvimento’ di e personanan. Segun un television Polaco, Kamil E ta wordo busca na Polonia pa ladronicia y atraco. Siman pasa ainda a detene Kamil E caba pa un caso di menasa.