Debi na caso di asesinato na Haiti, a cancela buelo pa Port Au Prince for di Corsou

WILLEMSTAD – Relaciona cu e situacion cu e pais Haiti a lanta cune awe, JetAir a cancela su buelo pa Port Au Prince. Manera ya ta conoci e presidente di Haiti, Jovenel Moïse a keda asesina den su cas awe marduga. Lidernan mundial ya caba a condena e atake aki cu un biaha mas ta ocashona mas destabilisacion riba e isla den Caribe aki. A tuma contacto cu vosero di CAP, Fayna Haseth cu a confirma cu e buelo di Corsou pa Haiti ta cancela. A confirma cu na Haiti mes actualmente no ta permiti niun buelo pa baha ni sali e pais.