Polis a identifica victima di tiroteo di awe como Venezolano di 19 aña

ORANJESTAD – E victima di e caso di tiroteo diaranson marduga na San Nicolas a keda identifica como M.A. Mejias Flores(19) di nacionalidad Venezolano. Manera ta conoci, awe marduga Aruba a conoce otro caso di asesinato. Tabata pa 5 minuut pa 4 di marduga, cu central di polis a haya notificacion cu un hende homber a wordo tira dilanti American Bar a yega Imsan. 

Na yegada di e patruya na Imsan testigonan cu a trece e victima a declara cu e persona lo tawatin un discusion dilanti American Bar y na un dado momento nan a scucha un tiro. Mesora nan a hinca e victima den auto y transporte pa Imsan caminda cu pa 4.25 dokter a constata morto. Te ainda polis no tin e identidad completo di e persona.Mesora a pidi pa departamento di recherche , polis technico y slachtofferhulp. E caso ta bao di investigación.Noticiacla y Cuerpo Policial ta manda palabra di condolencia na e famia di e fayecido.