Mike Eman lo no tuma conseho di Geoffrey Wever pa desconseha Sevinger pa huramenta

ORANJESTAD – Aunke e no a bisa esey den tanto palabra, lider di partido AVP Mike Eman lo no purba convence colega di partido Benny Sevinger pa no huramenta como parlamentario diahuebs awor. E ta referi na e peticion di miembro di partido politico Geoffrey Wever cu a haci e peticion ey den un carta publico un anochi prome. Loke si e politico a bisa ta cu e ta regarda e tipo di acto aki no corecto y ta considere un ‘incidente politico’ unda cu hende ta purba desvia di e asunto y ta purba haci cosnan asina. Di otro banda, e acto aki di un miembro di partido RAIZ no necesariamente ta stroba e intento di AVP pa traha cu RAIZ den un eventual coalicion. E ta considera loke cu Wever a haci, un acto di falta di experiencia y cu ta cay den e wega politico di contrincantenan tradicional.