ATIA ta positivo cu nombracion di informadornan y kier e formacion ta lihe

ORANJESTAD - Aruba Trade & Industry Association (ATIA) dialuna atardi a desea su miembro di hunta di directiva, Señora Tisa LaSorte y tambe Señor Eddy Werleman tur clase di exito como e informador di e gabinete nobo.  ATIA ta recorda cu durante e proximo dia nan (e dos informaornan) lo tin un tarea sumamente importante pa asina conseha y averigua cua posibilidad tin pa formacion di un gabinete stabiel y cu tin confiansa di mayoria den parlamento. Si resulta cu por forma un gabinete, nan lo mester motiva e partidonan envolvi pa asina firma un declaracion di boluntad unda e partidonan ta declara cu nan ta dispuesto pa conhuntamente forma un gobierno di coalicion. Pa mas tarda 12 di juli 2021 e informadornan mester informa Gobernador tocante e resultado di e encargo. “Nos pais ta enfrentando retonan grandi, pues ta importante cu e proceso aki ta uno lihe pa asina e gobierno nobo por cuminsa mas lihe possible” ATIA ta finalisa bisando.