Ta buscando ayudo pa burico cu tin stul pega rond di su garganta

ORANJESTAD – E fundacion cu ta wak pa e bienestar di burico na Aruba, esta Donkey Sanctuary Aruba ta pidi ayudo pa algo peculiar. Tin un burico cu tin un stul di plastic pega rond di su garganta/nek. E problema ta cu e burico no ta laga ningun hende yega cerca di dje pa por kita e stul. A pidi asistencia di ken cu ta pa yuda e burico aki. Ultimo a nota e burico den cercania di KIA.