Noticiacla.com ta celebra su di 7 anniversario awe

ORANJESTAD – Awe e portal noticiacla.com ta celebra su di 7 anniversario. Un portal cu a nace riba un 2 di juli 2014, basa riba un sondeo haci, a lanta y cuminsa core mesora, y cu awendia ta wordo considera como un di e portalnan mas importante di e isla pa loke ta noticia. Pa esaki nos kier gradici tur nos lectornan cu durante e 7 añanan a sostene nos den tur forma. Durante curso di e 7 añanan, e portal a conoce algun cambio, mas principal, aumento di usuario, producto y tambe comercialmente. E ultimo aki sigur ta hopi importante, unda cu esaki ta permiti e operacion diario tambe. Esaki no ta nifica si cu comercio ta determina contenido ni direccion di e portal. Esey semper tabata un punto clave for di momento di nacemento di e portal aki. 

Despues di 7 aña, nos por mira atras riba noticianan impactante cu e portal a sa di produci, cu a sa di mantene noticiacla entre e promenan y mas importante di e isla. Noticiacla tabata e prome pa introduci e asina yama mike screen cu e logo imprimi riba e screen, a logra produci un app cu por cierto Gobernador di Aruba a inaugura. Esey riba su mes tambe tabata un logro grandi. Noticiacla kier a gradici un biaha mas su lectornan fiel, comerciantenan, contribudornan y bisa un danki na Papa Dios cu ta ilumina nos tur dia pa nos sigui haci e trabou corecto. Masha masha danki!