Crisis Team ta cancela medidanan di Covid19 entrante dialuna

ORANJESTAD – Cu excepcion di masha poco punto, Crisis Team ta cancela mayoria medida contra Covid19 entrante dialuna proximo. Esaki ta encera cierre di negoshi riba ora special, distanciamento di 1.5 meter pafo, y restaurantnan por opera normal atrobe. Tambe por tin bailamento sin problema. Ademas e prohibicion di alcohol riba caminda publico tambe ta wordo cancela. 

KICO TA KEDA VIGENTE

Loke ta keda vigente ta e.o. e protocol di entierro unda cu tin cu pone plexiglass riba e caha di morto pa evita cu por mishi cu e defunto durante entiero. Tambe e control na frontera cu test manera cu e ta aworaki, ta keda vigente. Ta trahando riba e mercado turistico unda cu lo anuncia pronto un tarifa nobo di seguro cu ta rekeri pa turistanan cu ta bishita Aruba, y e omision di un PCR test pa turistanan Mericano si nan por prueba cu nan a vacuna caba. Dentro di poco lo anuncia esaki tambe.